Жейми Каррагернинг Эрлинг Холанд ҳақидаги сўзлари Пеп Гвардиолани ғазаблантирди.
"Ливерпул"нинг собиқ ҳимоячиси "Манчестер Сити" форварди Чемпионлар лигаси доирасида "Реал"га қарши ўйинда (1:3) захирада қолганини CBS телеканалига муносабат билдирди.
"Тахмин қилишимга изожат беринг, Холанд эрталаб мураббий олдига бориб, яхши эмаслигини айтди? Сизнингча, бу Рюдигерга алоқаси борми? Рюдигер ўйнагани учунми?
У захира ўриндиғида, шунинг учун жароҳат олиши мумкин эмас. Мен ҳеч қачон ўйин олдидан мураббий олдига бориб, формам йўқлигини айтмаганман. Демак, у жароҳат олган, тўғрими? Бу "Рюдигерит", тўғрими? Бу ерда гаплашаётганимиз шуми?" - деди Каррагер.
"Манчестер Сити" бош мураббийидан ушбу баёнотга изоҳ бериш сўралган.
"Эй худойим, у шундай дедими? Жейми Каррагер шундай дедими? Ё Худо.
Кулманг. Билмадим, нега у бирор нарсадан шубҳаланяпти, биласизми? У Холанд ўйинда ўйнашни истамаслигини айтди? Бу яхши эмас ва бу ҳақиқат эмас.
Холанд ўйнашни жуда хоҳларди. Унинг тиззасида муаммо бор эди ва у шунинг учун ўйнай олмади", - деди Гвардиола.
