"Валенсия" "Атлетико"га қарши ўйиндаги ҳакамликдан норозилигини билдирди.
Ла Лиганинг 25-турида “Валенсия” “Месталья”да "Атлетико"ни қабул қилиб, 0:3 ҳисобида имкониятни бой берди.
Ўйиннинг 56-дақиқасида Умар Содиқнинг зарбасидан сўнг тўп “Атлетико” ҳимоячиси Хави Галаннинг қўлига тегди. Бош ҳакам Матео Бускетс пенальти белгиламади.
"Биз ҳакамларни ҳурмат қиламиз, аммо бу пенальти эди", — дейилади клубнинг расмий баёнотида.
Эслатиб ўтамиз, аввалроқ Испания Қироллик футбол федерацияси ҳакамлар билан биргаликда ҳакамларни қўллаб-қувватлаш мақсадида ахборот кампаниясини бошлаган эди. Ҳафта охири Ла Лига ва Сегунда ўйинлари “Ҳакамни ҳурмат қилинг, футболни ҳурмат қилинг” шиори остида ўтказилмоқда.
