"Комо" бош мураббийи Сеск Фабрегас Италия А Сериясининг 26-турида "Наполи"га қарши ўйиндаги ғалаба (2:1) ҳақида фикр билдирди.
"Наполи" жуда кучли жамоа, у ўйин давомида жуда кўп тактикани ўзгартирган ақл бовар қилмайдиган мураббийга эга. Антонио Контега қарши битта ўйин "планка"ни кўтаради ва бир йиллик тажрибага арзийди. Мен ундан "Челси"да кўп нарсани ўргандим", - деди Фабрегас.
Эслатиб ўтамиз, Сеск Фабрегас "Наполи"нинг ҳозирги устози Антонио Конте бошқарганида "Челси"да ўйнаган.
Италия чемпионати турнир жадвалида "Наполи" 56 очко билан "Интер"дан бир очко ортда қолган ҳолда иккинчи ўринда бормоқда. Комо 13-ўринда, Фабрегас жамоаси 26 ўйинда 28 очко тўплаган.













