«Ан-Наср» ҳужумчиси Криштиану Роналду Саудия Арабистони чемпионати 22-туридан ўрин олган «Ал-Ваҳда»га қарши сафар ўйини (2:0) ҳақида фикр билдирди. Учрашув жамоасининг кечикиши сабабли кечроқ бошланган эди.

«Бу осон ўйин бўлмади. Биринчи бўлимда қийинчиликка дуч келдик, чунки уч соат давомида автобусда сафар қилдик – тирбандлик ва ёпиқ йўллар сабабли. "Ан-Наср" номидан кечикиб ўйин бошлаганимиз учун узр сўрайман. Бундай ҳолат такрорланмаслиги керак. Кечирасиз.  

Биз ўйинни яхши бошламадик, аммо иккинчи бўлимда бироз яхшироқ ҳаракат қилдик. Муаммоларимизни ҳал қилиб, иккита гол урдик, шунинг учун хурсандмиз.  

"Ан-Наср" қайтиши мана шундай бўлиши керак. Биз жавоб беришимиз лозим… Ғалаба қозонишда давом этишимиз зарур ва кейин нима бўлишини кўрамиз.  

Бир ўйиндан иккинчисига ишончни қайта тиклашимиз керак… Буни яна амалга оширишимиз лозим – ғалаба, ғалаба, ғалаба! Кейин эса натижаларга қараймиз», – деди Роналду.

Роналду ушбу ўйинда фаолиятидаги 925-голини урди, шунингдек, пенальти ишлаб чиқди, уни Садио Мане аниқ амалга оширди.  

«Ан-Наср» 22 та ўйиндан сўнг 47 очко жамғарган. Жамоа пешқадам «Ан-Иттиҳод»дан (бир ўйин кам ўтказган) 8 очко ортда бормоқда.