Мезбонларнинг кичик ҳисобдаги ғалабаси билан якун топган Уммон-Ироқ учрашувидан кейинги матбуот анжуманида ўз фикрларини билдириб ўтган Пол Ле Гуен Уммон каби жамоалар учун "учинчи ўрин ҳам бўлавериши" ҳақида очиқдан очиқ гапириб ўтди.

Пол Ле Гуен (Уммон терма жамоаси бош мураббийи): Натижа ва биз кўрсатган ўйиндан тўлиқ қониқиш ҳосил қилдим. Дастлаб ўйин бошида қийналдик, лекин бироз вақт ўтгач яхшироқ ўйин кўрсата бошладик. Ўйлашимча, биз рақибларимизга қараганда кўпроқ имкониятларга эга бўлдик ва ғалаба қозонишни кўпроқ хоҳлагандик.

Бразилияга ҳали узоқ. Аммо бир неча ой олдингига қараганда яқинроқ. Менимча, бизда учинчи ўрин учун имконият бор. Уммон мураббийи экансан, вазиятга реал қарашингга тўғри келади. Бизнинг ички чемпионатимиз профессионал тарзда ташкил этилмайди ва шунга қарамай, учинчи ўринга даъвогарлик қиляпмиз.

Иорданияга қарши учрашув бугунгисидан қийинроқ бўлади. Ундаги муҳит ҳам қизиқарли. Бу ўйинни учинчи ўринни эгаллаш имконият учун орзиқиб кутаман. Буни қўлдан чиқармасак, биз учун бу катта ютуқ."