Ироқликлар устози Петрович эса, хафсаласи пир бўлганини яшириб ўтирмади. Ўйиндан мутлақо қаноатланмаган мураббийнинг таъбирича, у исмини айтмаган бир (ёки бир нечта) футболчисининг учрашувдаги ҳаракатлари ҳайратланарли бўлган.

Владимир Петрович (Ироқ терма жамоаси бош мураббийи): Ўйин мураккаб бўлди. Иккита жуда яхши имкониятга эга бўлдик, аммо омад биздан юз ўгирди.

Ўйинчиларимдан бири яхши ўйин кўрсатмагани мени ҳайрон қолдирди. Ироқ терма жамоаси одатда кўп узун паслар билан ўйин намойиш этади, лекин буни ўзгартириш устида қаттиқ иш олиб боргандик. Афсуски, баъзи футболчилар бунга мослаша олишмади. Мен жамоамнинг кўрсатган умумий ўйин савиясидан мутлақо қониққаним йўқ.

Бизда иккита ўйин қолди ва энди жамоага қараб, камчиликларини бартараф этиш устида иш олиб борамиз. Ғалаба қозонишни хоҳлаймизми, демак мақсадга яраша ҳаракат қилиш зарур. Бизда саралашдан ўтиб олиш учун ҳамон имконият бор. Келгуси икки ўйин устида албатта қаттий иш олиб борамиз."