"Сантос" ҳужумчиси Неймар мухлисларнинг "қирол бўлишни истамаган шаҳзода" деган гапларига жавоб қайтарди.
"Бу мен шоҳ бўлишни хоҳламаганимдан эмас. Шунчаки, мен учун битта қирол бор, у ҳам бўлса Пеле. Фаолиятимда кўплаб жароҳатлар бўлган, улар менга қимматга тушган. Бу шуни англатадики, Худо шундай бўлишини хоҳлаган. Менда хафа бўлиш учун ҳеч қандай сабаб йўқ. Мен ҳикоям ва ҳаётимдан мамнунман. Мен орзу қилган деярли ҳамма нарсага эришдим" - деди Неймар.
Эслатиб ўтамиз, Неймар шу қишда "Сантос"га қайтган эди. Футболчининг шартномаси қисқа муддатли - 2025 йилнинг ўрталарига қадар тузилган.
