"Ривер Плейт" билан шартномасини бекор қилган ярим ҳимоячи Родриго Вильягра фаолиятини ЦСКАда давом эттиради. Журналист Сезар Луис Мерлонинг маълум қилишича, Россия клуби 24 ёшли аргентиналик футболчининг 50 фоиз ҳуқуқи учун 3,8 миллион евро тўлайди.
Футболчи Россияда трансфер ойнаси ёпилгунга қадар Аргентина клуби билан шартномани бекор қилди, шунинг учун ЦСКА футболчини 2024/25 йилги мавсум учун эркин агент сифатида рўйхатдан ўтказиши мумкин.
Вильягра 2024 йилнинг февралидан бери "Риверт Плейт"да ўйнаб, 36 та ўйинда майдонга тушди ва битта голли узатмани амалга оширди.
ЦСКА РПЛ 18-туридан кейин 31 очко билан турнир жадвалида 6-ўринда бормоқда.
