"Манчестер Сити" ҳужумчиси Эрлинг Холанд "Тоттенхэм" устидан қозонилган ғалабадан сўнг (1:0) интервью берди.

Норвегиялик футболчи ўйиндаги ягона голни 12-дақиқада киритди.

Якунда форвард дубл қайд этди, бироқ ҳакам видеотакрорни кўриб чиқиб, вазиятни тўпга қўл билан тегинилган дея баҳолади ва голни ҳисобламасликка қарор қилди.

"Бу аниқ хато эди, лекин ҳамма хато қилади, биз ҳаммамиз инсонмиз. Мен ажойиб гол урдим ва ўша эпизодда қўл тўпи бўлган деб ўйламайман, лекин ҳозир бу борада ҳеч нарса қила олмаймиз.

Биз ғалаба қозондик, хурсандман. Энг муҳими, биз уч очко олдик", - дея Холанднинг сўзларини келтиради BBC.