«Ливерпуль»нинг қанот ҳужумчиси Муҳаммад Салоҳ Англия Премьер-лигасининг 27-турида «Ньюкасл Юнайтед»га қарши ўйинда (2:0) голли узатма амалга ошириб, Англия чемпионатидаги шахсий рекордини такрорлади.  

Жорий мавсумда 32 ёшли Салоҳ АПЛ доирасида «Ливерпуль» таркибида 28 та учрашув ўтказиб, 25 та гол ва 17 та голли узатма амалга оширди (42 балл).

Илгари мисрлик ҳужумчининг энг яхши натижаси 2017/2018 йилги мавсумда қайд этилган бўлиб, у ўша пайтда 32 та гол ва 10 та ассистга эришган.  

Салоҳ бу мавсумда барча мусобақалар доирасида 39 та ўйинда майдонга тушиб, 30 та гол урган ва 22 та голли узатма амалга оширган.