"Реал" бош мураббийи Карло Анчелотти Испания Кубоги 1/2 финал биринчи ўйинида "Реал Сосьедад"ни мағлуб этгани (1:0) ҳақида фикр билдирди.
"Бугун таркибда ўзгаришлар қилдик, аммо жамоа яхлитлигини сақлаб қолди. Биз ихчам ва мудофаада жуда яхши, аҳил ўйнадик. Таркибдаги ўзгаришларга қарамай, ҳамма нарса жойида. Эндрик, айниқса гол уриб, катта ҳисса қўшди. Арда ўз позициясида аъло даражада ҳаракат қилди, мудофаага кўп ёрдам берди... Биз бугунги натижадан мамнун бўлишимиз керак. Рақибимиз бор кучини ишга солган ҳолда ўтказилган кескин ўйин бўлди, аммо "Реал" жавоб учрашувидан олдин яхши натижага эришди," - дея Анчелоттининг сўзларини келтиради Football Espana.
Жавоб ўйини 1 апрель куни Мадридда бўлиб ўтади.
