"Real" bosh murabbiyi Karlo Anchelotti Ispaniya Kubogi 1/2 final birinchi o‘yinida "Real Sosyedad"ni mag‘lub etgani (1:0) haqida fikr bildirdi.
"Bugun tarkibda o‘zgarishlar qildik, ammo jamoa yaxlitligini saqlab qoldi. Biz ixcham va mudofaada juda yaxshi, ahil o‘ynadik. Tarkibdagi o‘zgarishlarga qaramay, hamma narsa joyida. Endrik, ayniqsa gol urib, katta hissa qo‘shdi. Arda o‘z pozisiyasida a’lo darajada harakat qildi, mudofaaga ko‘p yordam berdi... Biz bugungi natijadan mamnun bo‘lishimiz kerak. Raqibimiz bor kuchini ishga solgan holda o‘tkazilgan keskin o‘yin bo‘ldi, ammo "Real" javob uchrashuvidan oldin yaxshi natijaga erishdi," - deya Anchelottining so‘zlarini keltiradi Football Espana.
Javob o‘yini 1 aprel kuni Madridda bo‘lib o‘tadi.
