Ҳимоячи Тео Эрнандеснинг келажаги муҳокама мавзуси бўлиб қолмоқда. Матбуотга ишонадиган бўлсак, французнинг "Милан" билан шартномани узайтириш борасидаги музокаралари боши берк кўчага кириб қолган ва бундан бошқа топ-клублар ҳам фойдаланиши мумкин.
«Transfer News Live»нинг «TeamTalk»га таяниб хабар беришича, "Манчестер Сити" Тео Эрнандесни ўз сафига қўшиб олиш имкониятини кўриб чиқмоқда. Аввалроқ, "Реал" франциялик футболчини ўз сафига қайтармоқчи экани ҳақида хабарлар тарқалган эди.
Тео Эрнандеснинг "Милан" билан амалдаги шартномаси 2025/2026 йилги мавсум охиригача мўлжалланган. Нуфузли «Transfermarkt» портали мутахассислари 27 ёшли футболчини 50 миллион еврога баҳоламоқда.













