"Сантос" ҳужумчиси Неймар келаётган ёздаёқ "Барселона"га қайтишни режалаштирмоқда.
Бразилиялик футболчининг Каталония клубига ўтиш нияти борлиги ҳақидаги маълумотни яқинда инсайдер Девид Орнштейн тасдиқлади. Бироқ, "кўк-анорранглилар" бош мураббийи Ханс-Дитер Флик раҳбарият юлдузни қайтаришга қарор қилса, 33 ёшли футболчини ўз тизимига қўшиб олишга тайёрми ёки йўқми, ҳозирча номаълум.
"Клуб ёзда бирорта ҳам қимматбаҳо футболчи билан шартнома имзолаш имкониятига эга бўлмаса ҳам, Флик Неймарнинг қайтишини маъқуллашини тасаввур қила олмайман," - деди журналист Виктор Наварро шов-шувли қайтиш ҳақида гапирар экан.
