"Santos" hujumchisi Neymar kelayotgan yozdayoq "Barselona"ga qaytishni rejalashtirmoqda.

Braziliyalik futbolchining Kataloniya klubiga o‘tish niyati borligi haqidagi ma’lumotni yaqinda insayder Devid Ornshteyn tasdiqladi. Biroq, "ko‘k-anorranglilar" bosh murabbiyi Xans-Diter Flik rahbariyat yulduzni qaytarishga qaror qilsa, 33 yoshli futbolchini o‘z tizimiga qo‘shib olishga tayyormi yoki yo‘qmi, hozircha noma’lum.

"Klub yozda birorta ham qimmatbaho futbolchi bilan shartnoma imzolash imkoniyatiga ega bo‘lmasa ham, Flik Neymarning qaytishini ma’qullashini tasavvur qila olmayman," - dedi jurnalist Viktor Navarro shov-shuvli qaytish haqida gapirar ekan.