Саудия Арабистони чемпионатининг 23-турида "Ан-Наср" сафарда "Ал-Оруба"га имкониятни бой берди - 1:2.
Учрашувнинг 40-дақиқасида мезбонлар ҳужумчиси Омар Ас-Сома ҳисобни очди. Меҳмонлар 51-дақиқада Наваф Ал-Бушалнинг голи эвазига жавоб беришди, аммо орадан 14 дақиқа ўтиб, Йохан Гудмундссон яна "Ал-Оруба"ни ҳисобда олдинга олиб чиқди.
Меҳмонлар форварди Криштиану Роналду ўйинни тўлиқ ўтказди, бироқ самарали ҳаракатлари билан ўзини кўрсата олмади.
"Ан-Наср" (47) Саудия Арабистони чемпионатида учинчи ўринда бормоқда. Стефано Пиоли жамоаси пешқадам "Ал-Иттиҳод"дан 9 очко ортда қолиб, бир ўйин кўп ўтказди.
"Ал-Оруба" (26) мусобақа жадвалида 11-ўринга кўтарилди.
