Saudiya Arabistoni chempionatining 23-turida "An-Nasr" safarda "Al-Oruba"ga imkoniyatni boy berdi - 1:2.

Uchrashuvning 40-daqiqasida mezbonlar hujumchisi Omar As-Soma hisobni ochdi. Mehmonlar 51-daqiqada Navaf Al-Bushalning goli evaziga javob berishdi, ammo oradan 14 daqiqa o‘tib, Yoxan Gudmundsson yana "Al-Oruba"ni hisobda oldinga olib chiqdi.

Mehmonlar forvardi Krishtianu Ronaldu o‘yinni to‘liq o‘tkazdi, biroq samarali harakatlari bilan o‘zini ko‘rsata olmadi.

"An-Nasr" (47) Saudiya Arabistoni chempionatida uchinchi o‘rinda bormoqda. Stefano Pioli jamoasi peshqadam "Al-Ittihod"dan 9 ochko ortda qolib, bir o‘yin ko‘p o‘tkazdi.

"Al-Oruba" (26) musobaqa jadvalida 11-o‘ringa ko‘tarildi.