Уругвай терма жамоаси ва "МЮ" таянч ярим ҳимоячиси Мануэль Угарте Испания чемпионатига кўчиб ўтиши мумкин. Бу ҳақда «Todofichajes» нашри хабар бермоқда.
Журналистлар маълумотига кўра, 23 ёшли футболчининг трансферига Мадриднинг "Атлетико" клуби қизиқиш билдирмоқда. "Матрасчилар" бош мураббийи Диего Симеонега Угартенинг ўйин услуби ёқмоқда. Аргентиналик мутахассис уругвайлик футболчини трансфер мақсадларидан бири сифатида кўрсатди.
Мануэлнинг бозор нархи 50 миллион еврога баҳоланмоқда. У 2029 йилнинг ўрталаригача "қизил иблислар" билан шартномага эга.
