Мадриднинг "Атлетико" клуби бош директори Мигель Анхель Хиль Марин "матрасчилар"нинг "Ливерпуль" ҳужумчиси Дарвин Нуньесга қизиқиш билдираётгани ҳақидаги хабарга муносабат билдирди.
"Нуньес клубнинг келгуси даврдаги режаларига кирмайди. Ўйинчига бўлган қизиқишимиз ҳақидаги маълумотлар асоссиз. "Атлетико" ҳужумчи қидирмаяпти. Жамоамиз бошқа позицияларни кучайтириши керак. "Атлетико" раҳбарияти айни дамда айнан шуни муҳокама қилмоқда," - дея Мариннинг сўзларини келтиради «365scores».
Нуньес жорий мавсум барча мусобақаларда 36 та ўйинда майдонга тушиб, 6 та гол ва 5 та ассистни ўз ҳисобига ёздириб қўйди.
