Madridning "Atletiko" klubi bosh direktori Migel Anxel Xil Marin "matraschilar"ning "Liverpul" hujumchisi Darvin Nunyesga qiziqish bildirayotgani haqidagi xabarga munosabat bildirdi.
"Nunyes klubning kelgusi davrdagi rejalariga kirmaydi. O‘yinchiga bo‘lgan qiziqishimiz haqidagi ma’lumotlar asossiz. "Atletiko" hujumchi qidirmayapti. Jamoamiz boshqa pozisiyalarni kuchaytirishi kerak. "Atletiko" rahbariyati ayni damda aynan shuni muhokama qilmoqda," - deya Marinning so‘zlarini keltiradi «365scores».
Nunyes joriy mavsum barcha musobaqalarda 36 ta o‘yinda maydonga tushib, 6 ta gol va 5 ta assistni o‘z hisobiga yozdirib qo‘ydi.
