“Астон Вилла” “Ювентус” ҳужумчиси Душан Влахович учун даъвогарлар сафига қўшилди.

Жорий мавсум якунланганидан кейин Влаховичнинг шартномаси тугашига атиги 12 ой қолади ва ҳозирча “Ювентус”нинг Душан билан ҳамкорликни узайтириш борасида музокара олиб боришга уринишлари бесамар кетди.

Влаховичнинг Туриндаги янги шартномасидаги тўсиқ унинг ҳафтасига 215 минг фунт стерлинг маоши бўлиб турибди. "Ювентус" ҳозир ўйинчига бунчалик кўп пул тўлашни хоҳламайди ёки бера олмайди.

TEAMtalk нашрида айтилишича, "Арсенал" январь ойида Влаховичга қизиқиш билдирган эди, аммо энди "Астон Вилла" ҳам 25 ёшли сербни ҳам нишонга олмоқда.

"Астон Вилла" қишки мавсумда Саудия Арабистонининг "Ан-Наср" клубига сотилган Жон Дуран ўрнига Влаховични 50 миллион еврога (41 миллион фунт) сотиб олмоқчи.