«Манчестер Сити» ярим ҳимоячиси Бернарду Силва ўзбек ҳимоячиси Абдуқодир Ҳусанов ҳақида фикр билдирди.

— Ҳусанов учун осон бўлмади. Янги мамлакатга келиб, инглиз тилини яхши билмаган ҳолда мослашиш қийин. У фақат бир ҳафтача машғулот ўтказди, шунинг учун жамоада футболчилар кам бўлган пайтда «Челси»га қарши муҳим ўйинга тушишига тўғри келди. Бу жамоа учун ҳам оғир палла эди.   

У ўзининг биринчи ҳаракатида хатога йўл қўйди, ва мен унга босимни озгина енгиллаштиришга ҳаракат қилдим. У ажойиб иқтидорга эга ва шундай вазиятларда тажрибали футболчилар ҳам хатоларга йўл қўйишини тушуниши керак. Энг муҳими – бундай пайтларда қандай жавоб беришинг. Ҳусанов шундан сўнг тинчланиб, ўйинга кўникиб кетди. Бу унинг характери ва ривожланиш салоҳиятини кўрсатади, – деди Силва.