"Реал"нинг собиқ ярим ҳимоячиси Зинедин Зидан келаси мавсумдан жамоа бошқарувини ўз қўлига олиши мумкин. Бу ҳақда испан матбуоти хабар қилмоқда.
"Қироллик клуби" президенти Флорентино Перес шу хусусда фикр билдираркан, жумладан шундай деди: "Зидан мураббий сифатида ишлаши мумкин. Унда керакли лицензия бор ва у ўзимизнинг футболчи. Биз ҳали бу ҳақда ўйлаб кўрганимиз йўқ. Аммо шубҳасиз у бошланғич тажрибага эга."
Эслатиб ўтиш ўринлики, "Реал" Франциянинг "ПСЖ" клуби қўйиб юборишни хоҳламаётган мураббийи Карло Анчелоттига кўз тикмоқда. Бошқа вариант эса "Бавария"нинг собиқ бош мураббийи Юпп Хайнкес эди. Аммо мавсумда тўртта совринга эга бўлган мураббий аввалроқ келаси мавсум мураббийлик қилмоқчи эмаслигини эълон қилганди.













