«Реал» Ла Лиганинг 26-туридан ўрин олган баҳсда сафарда «Бетис»га қарши майдонга тушиб, имкониятни бой берди.

Учрашувнинг 10-дақиқада меҳмонлар ярим ҳимоячиси Браҳим Диас ҳисобни очди. 34-дақиқада эса Исконинг бурчак зарбасидан узатмасини қабул қилган Жонни Кардозо гол урди.  

54-дақиқада эса ҳакам меҳмонлар дарвозасига пенальти белгилади. «Реал» собиқ ярим ҳимоячиси Иско пенальтидан гол уриб, жамоасини олдинга олиб чиқди.

Қолган дақиқаларда ҳар икки жамоа ҳужумкор ўйин намойиш этиб беришди, аммо дарвозаларга тўп бошқа киритилмади.

Ушбу ғалаба туфайли "Бетис" ўз очколарини 38 тага етказиб, жадвалда 6-ўринга кўтарилди. "Реал" эса бу турдан кейин 3-ўринга тушиб қолиши мумкин.

Испания Ла лигаси, 26-тур
Бетис – Реал – 2:1 (1:1)
Голлар: 0:1 – Диас, 10; 1:1 – Жонни, 34; 2:1 – Иско, 54 (пенальти).
"Бетис": Адриан, Родригес, Льоренте, Бартра, Сабали (Бакамбу, 81), Альтимира (Натан, 90), Кардозо, Родригес (Чими Авила, 71), Иско, Антони, Эрнандес (Руибаль, 81).
"Реал": Куртуа, Менди (Фран Гарсия, 85), Алаба (Камавинга, 59), Рюдигер, Васкес, Браим Диас (Гюлер, 59), Тчуамени, Модрич, Винисиус Жуниор, Мбаппе (Эндрик, 75).