Бразилиялик юлдуз ҳужумчи Неймар жорий мавсум якунланганидан кейин яна “Барселона” либосини кийиши мумкин, дея хабар беради The Athletic.
Британиялик журналистларнинг ёзишича, 33 ёшли ҳужумчининг агентлари футболчининг трансфери бўйича "кўк-анорранглилар" раҳбарияти билан фаол музокаралар олиб бормоқда.
Трансфер келаси ёзда содир бўлиши мумкин. Неймар икки сабабга кўра "Барселона"га ўтмоқчи. У каталонияликлар сафида ўйнаб 2026 йилги жаҳон чемпионатига яхши тайёргарлик кўришига ишонмоқда.
Бундан ташқари, бразилиялик футболчи янгиланган “Камп Ноу”да ўйнашга қизиқмоқда.
