Ҳимоячи Андреас Кристенсен сўнгги бор август ойида расмий ўйинда майдонга тушганди. Ўшандан бери даниялик бир неча бор жароҳат олган. "Барселона" расмий сайти саҳифаларида Кристенсеннинг янги жароҳати ҳақида эълон берилди. Унда айтилишича, футболчи шанба куни эрталабки машғулот пайтида жароҳат олган.
"Кристенсен ўнг оёғининг мушакларидан жароҳат олди. Унинг тикланиши учун тахминан тўрт ҳафта керак бўлиши кутилмоқда," - дейилади "кўк-анорранглилар" хабарида.













