Сергей Палкиннинг ишончи комилки, Михаил Мудрик допинг истеъмол қилиши мумкин эмас эди.
«Челси» Мудрикни 2023 йилнинг январида «Шахтёр»дан 70+30 миллион еврога сотиб олганди. 2024 йилнинг декабрида украиналик ярим ҳимоячининг допинг тести ижобий чиққани маълум бўлди. Футболчининг ўзи била туриб антидопинг қоидаларини бузмаганини таъкидлади.
“Ҳа, Мудрикнинг допинг билан боғлиқ муаммолари бор ва биз ҳаммамиз унга ёрдам беришга ҳаракат қилмоқдамиз, чунки мен воқеани ичкаридан биламан. У ҳеч қандай допинг ишлатмаганига 100 фоиз ишонаман.
Мудрик учун ҳар қандай дори-дармонларни қўллаш бемаънилик, чунки у аллақачон ҳамма нарсага эга, энг муҳими эса тезлик бор", - деди "Шахтёр" бош директори.













