Ярим ҳимоячи Жуд Беллингем ҳакам билан мулоқотда ҳақоратли ибора ишлатгани учун иккита ўйинни ўтказиб юборишга мажбур бўлди.
Натижада англиялик футболчи "Реал"нинг "Жирона" (2:0 ҳисобидаги ғалаба) ва "Бетис"га (1:2) қарши ўйинларини ўтказиб юборди. Беллингем ижтимоий тармоқларда спорт залидан олинган фотосуратни жойлаштирди. Футболчининг сўзларига кўра, у дисквалификациядан сабоқ олган.
"Дам олиш кунлари ўйинсиз. Дарс ўзлаштирилди!" - деб ёзган Беллингем.
"Реал" навбатдаги ўйинини 4 март, сешанба куни ўтказади. Шу куни Карло Анчелотти жамоаси Чемпионлар лигаси 1/8 финалида ўз майдонида "Атлетико"га қарши баҳс олиб боради.
