Yarim himoyachi Jud Bellingem hakam bilan muloqotda haqoratli ibora ishlatgani uchun ikkita o‘yinni o‘tkazib yuborishga majbur bo‘ldi.
Natijada angliyalik futbolchi "Real"ning "Jirona" (2:0 hisobidagi g‘alaba) va "Betis"ga (1:2) qarshi o‘yinlarini o‘tkazib yubordi. Bellingem ijtimoiy tarmoqlarda sport zalidan olingan fotosuratni joylashtirdi. Futbolchining so‘zlariga ko‘ra, u diskvalifikasiyadan saboq olgan.
"Dam olish kunlari o‘yinsiz. Dars o‘zlashtirildi!" - deb yozgan Bellingem.
"Real" navbatdagi o‘yinini 4 mart, seshanba kuni o‘tkazadi. Shu kuni Karlo Anchelotti jamoasi Chempionlar ligasi 1/8 finalida o‘z maydonida "Atletiko"ga qarshi bahs olib boradi.
