"ПСЖ" президенти лавозимида ишлаётган Носир ал-Хелайфий Чемпионлар Лигаси ҳақида гапирди. Париж клуби раҳбарининг сўзларига кўра, жамоада Европанинг асосий турнирида ғолиб чиқиш мақсади йўқ.
"Мақсадимиз Чемпионлар Лигасида ғалаба қозонишми, деб сўрасангиз, "йўқ" деб жавоб бераман. Агар мендан мусобақанинг ҳар бир ўйинида рақобатлашишни хоҳлайсизми, деб сўрасангиз, "ҳа" деб жавоб бераман. Ҳужумкор футбол ўйнаш - "ҳа," завқланиш - "ҳа." Бунинг учун бизда ўйинчилар борми? Ҳа. Бизда бу мавсумда, келгуси мавсумда ёки саккиз йилдан кейин Чемпионлар Лигасида ғолиб чиқишга қодир футболчилар бор," - деди ал-Ҳелайфий.
Чемпионлар лигаси 1/8 финалида "ПСЖ" "Ливерпуль" билан куч синашади.
