Бернд Лено Англия кубогида "Манчестер Юнайтед" устидан қозонилган ғалаба ҳақида фикр билдирди.
"Фулхэм" турнирнинг 5-босқичида "Манчестер Юнайтед"ни мағлуб этди (1:1, пенальтилар сериясида 4:3).
"Ақл бовар қилмайдиган натижа. Ўйлайманки, биз асосий вақтда ғалаба қозонишга ҳақли эдик. Албатта, пенальтилар баъзан лотерея бўлади ва бахтимизга ғалаба қозондик. Дарвозабонлар мураббийи менга қандайдир маслаҳатлар берди, лекин мен учун ҳис-туйғуларим муҳимроқ.
Уч марта нотўғри йўналишга сакрадим, лекин биз пенальти тепувчиларимизга ишонч билдиришимиз керак - бу осон эмас. Бу бутун жамоа томонидан амалга оширилгшан ажойиб иш.
"Уэмбли"да финалга чиқиш истаги ҳақида:
"100 фоиз. Икки йил олдин биз чорак финалда "Манчестер Юнайтед"га ютқазгандик ва мана яна чорак финалга чиқдик. Биз 100 фоиз "Уэмбли"га боришни истаймиз", деди "Фулхэм" дарвозабони.
