"Манчестер Юнайтед" Андре Онана ўрнига янги дарвозабон сотиб олиш вариантини кўриб чиқмоқда. Камерунлик посбон бу мавсумда гол ўтказишдаги хатолари учун тез-тез танқидга учради.
Fichajes нашри хабар беришича, "Манчестер Юнайтед" Онана ўрнига биринчи танлов сифатида "Милан" дарвозабони Майк Меньянни танлаган. Франциялик посбонни келаси ёзда нисбатан арзон нархда сотиб олиш мумкин, чунки унинг шартномаси 2026 йилнинг ўрталарида тугайди. Майк Меньян июль ойида 30 ёшга тўлади. Дарвозабон жорий мавсум “россонерилар” сафида 39 та ўйинда майдонга тушиб, 44 та гол ўтказиб юборди.
Transfermarkt футболчининг нархини 35 миллион еврога баҳоламоқда.
