"Манчестер Сити" бош мураббийи Пеп Гвардиола ярим ҳимоячи Родрининг қайтиши мумкин бўлган санани айтди.
Амалдаги "Олтин тўп" совриндори оёғидаги жароҳат сабабли сентябрь ойидан буён майдонга туша олмаяпти.
"Родри ҳали ҳам майдонга қайтишга яқин эмас, лекин у тўп билан шуғулланмоқда. У ўзини янада ишончли ва бахтли ҳис қилади. Олдин буни кутмагандим, лекин у мавсум якунига қадар сафга қайтиши ва бизга нафақат клублар ўртасидаги жаҳон чемпионатида, балки Премьер-лигада ҳам ёрдам бериши мумкиндек кўринмоқда", - деди "шаҳарликлар" бош мураббийи City Xtra билан суҳбатда.
"Манчестер Сити" Англия Премьер-лигаси турнир жадвалида 27-турдан кейин 4-ўринда бормоқда.
