Италиялик собиқ футболчи Паоло ди Канио "Милан" бош мураббийи Сержиу Консейсауга ишонмаяпти.
Португалиялик мутахассис "россонерилар"ни декабрь ойи охирида қабул қилиб олганди. Сўнгги пайтларда жамоанинг натижалари яхши эмас: А Сериянинг учта ўйинида учта мағлубият ва "Фейеноорд"га енгилган ҳолда Чемпионлар Лигасини эрта тарк этиш.
"Ўйлашимча, Консейсау "Милан"даги вазиятни ўнглай олмайди - бу деярли имконсиздек. Аввал бошданоқ яхши йўлга қўйилмаган муносабатлардан ҳаммаси тушунарли. У Жоау Феликсни биринчи имкониятдаёқ майдонга туширади, аммо Тиджани Рейндерсни майдон марказида чеклаб қўяди. "Милан"да тартибсизлик ҳукм сурмоқда," - деди ди Канио Sky Sport телеканали эфирида.
