Italiyalik sobiq futbolchi Paolo di Kanio "Milan" bosh murabbiyi Serjiu Konseysauga ishonmayapti.
Portugaliyalik mutaxassis "rossonerilar"ni dekabr oyi oxirida qabul qilib olgandi. So‘nggi paytlarda jamoaning natijalari yaxshi emas: A Seriyaning uchta o‘yinida uchta mag‘lubiyat va "Feyenoord"ga yengilgan holda Chempionlar Ligasini erta tark etish.
"O‘ylashimcha, Konseysau "Milan"dagi vaziyatni o‘nglay olmaydi - bu deyarli imkonsizdek. Avval boshdanoq yaxshi yo‘lga qo‘yilmagan munosabatlardan hammasi tushunarli. U Joau Feliksni birinchi imkoniyatdayoq maydonga tushiradi, ammo Tidjani Reyndersni maydon markazida cheklab qo‘yadi. "Milan"da tartibsizlik hukm surmoqda," - dedi di Kanio Sky Sport telekanali efirida.













