22 февралдан 3 мартгача Болгариянинг София шаҳри анъанавий 76 “Strandja” халқаро турнирига мезбонлик қилди. Ушбу мусобақада Тўлқин Қиличев бошчилигидаги фақатгина эркаклар терма жамоамиз иштирок этди.

Якунларга кўра йигитларимиз мусобақани 5 та олтин, 1 кумуш ва 2 та бронза медали билан якунладилар. Эркаклар ўртасида умумжамоа ҳисобида Қозоғистон биринчи, вакилларимиз эса иккинчи ўринни эгаллашди.

Эслатиб ўтамиз, ушбу халқаро турнирда Қозоғистон терма жамоаси 26 нафар боксчи билан, бизникилар эса 17 та боксчи билан иштирок этишди. Биласизки, Асадхўжа Мўйдинхўжаевнинг жароҳати, Абдумалик Халоковнинг проф боксдаги жанги борлиги сабабли иштирок эта олмаганлиги ҳам натижага бироз таъсир қилди.

Ғолиб ва совриндорларимиз билан танишинг:

Олтин медал:
-54 кг: Шаҳзод Музаффаров
-57 кг: Хўжаназар Нортожиев
-80 кг: Фазлиддин Эркинбоев
-92 кг: Тўрабек Хабибуллаев
+92 кг: Жаҳонгир Зокиров

Кумуш медал:
-48 кг: Беҳруз Холдоров

Бронза медал:
-51 кг: Асилбек Жалилов
-75 кг: Жавоҳир Умматалиев

Мураббийлар: Тўлқин Қиличев, Акмал Ҳасанов, Даврон Гафуров, Рамзжон Аҳмедов, Нодир Ғуломов, Алимардон Достанов, Ботиржон Маҳмудов, Мансур Муқимов.

Бокс бўйича кичик жаҳон чемпионатининг медаллар жадвали (эркаклар):  

1. Қозоғистон — 5-9-4 (18)  
2. Ўзбекистон — 5-1-2 (8)  
3. Болгария — 2-0-3 (5)  
4. Туркия — 1-0-0 (1)  
5. Озарбайжон — 0-2-2 (4)  
6. Греция — 0-1-0 (1)  
7. Ирландия — 0-0-4 (4)  
8. Косово — 0-0-2 (2)  
8. Грузия — 0-0-2 (2)  
8. Англия — 0-0-2 (2)  
11. Франция — 0-0-1 (1)  
11. Италия — 0-0-1 (1)  
11. Исроил — 0-0-1 (1)  
11. Австрия — 0-0-1 (1)  
11. Хитой — 0-0-1 (1)