Мадриднинг "Реал" клуби жорий мавсумда ўз дарвозаси олдида тез-тез пенальти тептиришга мажбур бўлмоқда.
Шанба куни Карло Анчелотти жамоаси Ла Лиганинг 26-тур учрашувида "Бетис"га сафарда мағлуб бўлди (1:2). Севильяликлар фойдасига ҳал қилувчи голни Иско 54-дақиқада пенальтидан аниқ зарба билан киритди. Relevo нашрининг хабар беришича, "Реал" дарвозасига жорий мавсумда барча мусобақаларда тўққизта 11 метрлик жарима белгиланган - бу клубнинг сўнгги беш мавсумдаги энг ёмон кўрсаткичидир.
"Қаймоқранглилар" Испания чемпионати турнир жадвалида пешқадам "Барселона"дан 3 очко, "Атлетико"дан эса 2 очко ортда қолиб, учинчи ўринни эгаллаб турибди.
