"Ньюкасл" бош мураббийи Эдди Хау жамоасининг Англия кубоги 1/8 финалида "Брайтон"дан мағлуб бўлгани ҳақида фикр билдирди.
"Бу биз учун жуда оғир кун бўлди. Биз бу ўйинда яхши кўриндик, аммо кейин назоратни қўлдан чиқардик. Умуман олганда, ғалаба кутадиган даражада ишончли кўринмадик. Мен Энтони Гордоннинг қизил карточкасидан жуда хафа бўлдим, чунки у жамоамиз учун жуда муҳим футболчи.
Қайта тиклашимиз учун бир ҳафта бор, чунки олдинда бизни муҳим ўйинлар кутиб турибди. Мен яна бир соврин учун курашиш имкониятини йўқотгандек ҳис қиляпман", - дея қўшимча қилди мураббий.
"Ньюкасл" навбатдаги ўйинини 10 март куни Англия чемпионати доирасида "Вест Хэм"га қарши ўтказади.
