"Ан-Наср" сўнгги 5 ўйинда атиги 1 марта ғалаба қозонди.

Кеча Саудия Арабистони клуби Осиё Чемпионлар лигаси доирасида "Истиқлол" (0:0) билан дуранг ўйнади. Португалиялик ҳужумчи Теҳрондаги тартибсизликлар хавфи туфайли ўйинни ўтказиб юборди.

Чемпионлар лигасида Роналду иштирок этмаган икки ўйинда риёдликлар гол ура олмади - аввалроқ "Персеполис" билан 0:0 ҳисобида дуранг қайд этилган.

"Ан-Наср" яна икки ўйинда мағлуб бўлди: Саудия Арабистони чемпионатида "Ал-Оруба" (1:2) ва "Ал-Иттифоқ" (2:3).

Клубнинг сўнгги ғалабаси 25 февраль куни "Ал-Ваҳда"га қарши ўйинда (2:0) бўлган, ўшанда Криштиану гол уриб, пенальти ишлаб олганди.