Мадриднинг "Реал" клуби собиқ ҳимоячиси Марсело Криштиану Роналду билан муносабатлари ҳақида гапирди.
Бразилиялик футболчи "қаймоқранглилар" сафида 2007 йилдан 2022 йилгача, португалиялик форвард эса 2009 йилдан 2018 йилгача тўп тепган.
"Криштиану билан муносабатларимиз Бразилия - Португалия ўйинида жанжаллашиб қолганимиздан бошланган. У жуда тез эди ва мен фол ишлатишга мажбур бўлдим. У мени ушлаб олди, мен ҳам шундай жавоб қилмоқчи эдим, лекин у жуда баланд эди.
Кейин билсам, "Реал" икки ойдан кейин Роналдуни ўз сафига қўшиб олар экан. Шунда мен ҳазиллашиб: "Мен клубдан кетаман," дедим. Аммо ҳаммаси муваффақиятли кечди," - дея ўтган ой фаолиятини якунлаган 36 ёшли Марсело хотираларини келтиради Madrid Xtra.
