"Барселона" ярим ҳимоячиси Гави душанба куни жамоа машғулотларида иштирок этмади. 20 ёшли футболчининг тана ҳарорати кўтарилган, деб хабар бермоқда журналист Тони Хуанмарти. Хавбекнинг Чемпионлар Лигаси 1/8 финалидан ўрин олган "Бенфика"га қарши ўйинда майдонга тушиши унинг тикланиш жараёнига боғлиқ.
Гави сешанба куни тушдан кейин жамоа билан Лиссабонга учиб кетиши кутилмоқда, бироқ унинг майдонга тушиши сўроқ остида қолмоқда. Ўйин чоршанба куни Тошкент вақти билан 01:00 да бўлиб ўтади.
Испаниялик ёш футболчи жорий мавсумда Ҳанс-Дитер Флик жамоаси сафида 24 та ўйинда майдонга тушиб, 2 та гол ва 3 та ассистни ўз ҳисобига ёздириб қўйди.
