"Barselona" yarim himoyachisi Gavi dushanba kuni jamoa mashg‘ulotlarida ishtirok etmadi. 20 yoshli futbolchining tana harorati ko‘tarilgan, deb xabar bermoqda jurnalist Toni Xuanmarti. Xavbekning Chempionlar Ligasi 1/8 finalidan o‘rin olgan "Benfika"ga qarshi o‘yinda maydonga tushishi uning tiklanish jarayoniga bog‘liq.
Gavi seshanba kuni tushdan keyin jamoa bilan Lissabonga uchib ketishi kutilmoqda, biroq uning maydonga tushishi so‘roq ostida qolmoqda. O‘yin chorshanba kuni Toshkent vaqti bilan 01:00 da bo‘lib o‘tadi.
Ispaniyalik yosh futbolchi joriy mavsumda Hans-Diter Flik jamoasi safida 24 ta o‘yinda maydonga tushib, 2 ta gol va 3 ta assistni o‘z hisobiga yozdirib qo‘ydi.
