"Манчестер Сити" марказий ҳимоячиси Натан Аке Англия кубоги доирасида "Плимут"га қарши кечган ўйинда олган жароҳатидан кейин операция қилинди. Нидерландияликнинг оёғи синган - муаммо жарроҳлик амалиётини талаб қилган.

"Бу мавсум омадсизликка тўла бўлди, аммо энди муваффақиятли операция қилиндим. Оёғим билан боғлиқ муаммолар мени бир неча ой давомида безовта қилди ва ҳозир келажакка умид билан қараяпман," - дея Акенинг сўзларини келтиради журналист Фабрицио Романо.

30 ёшли футболчининг тикланиш муддати ҳақида ҳозирча маълумот берилмаган. Жорий мавсумда марказий ҳимоячи "шаҳарликлар" сафида барча мусобақаларда 18 та ўйин ўтказди.