"Manchester Siti" markaziy himoyachisi Natan Ake Angliya kubogi doirasida "Plimut"ga qarshi kechgan o‘yinda olgan jarohatidan keyin operasiya qilindi. Niderlandiyalikning oyog‘i singan - muammo jarrohlik amaliyotini talab qilgan.
"Bu mavsum omadsizlikka to‘la bo‘ldi, ammo endi muvaffaqiyatli operasiya qilindim. Oyog‘im bilan bog‘liq muammolar meni bir necha oy davomida bezovta qildi va hozir kelajakka umid bilan qarayapman," - deya Akening so‘zlarini keltiradi jurnalist Fabrisio Romano.
30 yoshli futbolchining tiklanish muddati haqida hozircha ma’lumot berilmagan. Joriy mavsumda markaziy himoyachi "shaharliklar" safida barcha musobaqalarda 18 ta o‘yin o‘tkazdi.
