"Барселона" мавсум якунлангач эркин агентга айланиши мумкин бўлган "Бавария" ярим ҳимоячиси Йозуа Киммихга даъвогарлар қаторида эди. Relevo маълумотларига кўра, келишув амалга ошиши даргумон - гап фақат "кўк-анорранглилар"нинг молиявий қийинчиликларида эмас. Каталония клуби немис учун таркибда жой топилмаслигига ишонмоқда: ўрта чизиқда Ханс-Дитер Флик Педри, Гави, Френки де Йонг ва Марк Касадога таяниши мумкин, ҳимоянинг ўнг қанотида - Киммихнинг иккинчи профилли позициясида эса аллақачон Жюль Кунде бор.
"Бавария"нинг 30 ёшли футболчисига Мадриднинг "Реал," "ПСЖ" ва Англия Премьер-лигаси грандлари ҳам қизиқиш билдирган эди.
