"Пари Сен-Жермен" бош мураббийи Луис Энрике Чемпионлар Лигаси 1/8 финалидан ўрин олган "Ливерпуль"га қарши ўйинда вингер Хвича Кварацхелияни асосий таркибда майдонга туширишни режалаштирмаяпти.
Дастлабки қарама-қаршилик чоршанба куни Парижда бўлиб ўтади. L’Equipe хабарига кўра, грузиялик футболчи катта эҳтимол билан учрашувни захира ўриндиғида бошлайди. Парижликлар бош мураббийи Луис Энрике сўнгги ўйинларда ёрқин ўйин кўрсатган 19 ёшли Дезире Дуэни маъқул кўрмоқда. Испаниялик мутахассис Кварацхелияни инглиз гранди билан ўйин давомида захирадан майдонга туширишни режалаштирмоқда.
"ПСЖ"нинг "Ливерпуль"га қарши ўйини Тошкент вақти билан 01:00да бошланади. Жавоб учрашуви 11 март куни "Энфилд"да бўлиб ўтади.
