"Pari Sen-Jermen" bosh murabbiyi Luis Enrike Chempionlar Ligasi 1/8 finalidan o‘rin olgan "Liverpul"ga qarshi o‘yinda vinger Xvicha Kvarasxeliyani asosiy tarkibda maydonga tushirishni rejalashtirmayapti.
Dastlabki qarama-qarshilik chorshanba kuni Parijda bo‘lib o‘tadi. L’Equipe xabariga ko‘ra, gruziyalik futbolchi katta ehtimol bilan uchrashuvni zaxira o‘rindig‘ida boshlaydi. Parijliklar bosh murabbiyi Luis Enrike so‘nggi o‘yinlarda yorqin o‘yin ko‘rsatgan 19 yoshli Dezire Dueni ma’qul ko‘rmoqda. Ispaniyalik mutaxassis Kvarasxeliyani ingliz grandi bilan o‘yin davomida zaxiradan maydonga tushirishni rejalashtirmoqda.
"PSJ"ning "Liverpul"ga qarshi o‘yini Toshkent vaqti bilan 01:00da boshlanadi. Javob uchrashuvi 11 mart kuni "Enfild"da bo‘lib o‘tadi.
