"Бавария" ва вингер Лерой Сане янги шартномани муҳокама қилишди. Амалдаги келишув келаси ёзда ўз ниҳоясига етади ва футболчи Мюнхенда қолишни истамоқда, аммо клуб ҳали якуний қарорга келгани йўқ. Журналист Флориан Плеттенбергнинг маълум қилишича, яқинда бўлиб ўтган музокаралар томонларни битимга яқинлаштирган. Битим тузиш имкониятлари энди бир-икки ой олдингига қараганда юқорироқ баҳоланмоқда.

Бироқ, баъзи тафсилотлар ҳали келишиб олинмаган ва "Бавария" ҳамон 29 ёшли футболчига расмий таклиф юбормаган. Жараён яна бир неча ҳафта давом этиши кутилмоқда.

Лерой Сане жорий мавсумда 32 та ўйинда 8 та гол ва 4 та голли узатмага муаллифлик қилди.