"Bavariya" va vinger Leroy Sane yangi shartnomani muhokama qilishdi. Amaldagi kelishuv kelasi yozda o‘z nihoyasiga yetadi va futbolchi Myunxenda qolishni istamoqda, ammo klub hali yakuniy qarorga kelgani yo‘q. Jurnalist Florian Plettenbergning ma’lum qilishicha, yaqinda bo‘lib o‘tgan muzokaralar tomonlarni bitimga yaqinlashtirgan. Bitim tuzish imkoniyatlari endi bir-ikki oy oldingiga qaraganda yuqoriroq baholanmoqda.
Biroq, ba’zi tafsilotlar hali kelishib olinmagan va "Bavariya" hamon 29 yoshli futbolchiga rasmiy taklif yubormagan. Jarayon yana bir necha hafta davom etishi kutilmoqda.
Leroy Sane joriy mavsumda 32 ta o‘yinda 8 ta gol va 4 ta golli uzatmaga mualliflik qildi.
