"РБ Лейпциг" марказий ҳимоячиси Кастелло Люкеба "Бавария" радарига тушди. 22 ёшли футболчининг трансферига шахсан мюнхенликлар спорт директори Макс Эберль қизиқиш билдирмоқда - айнан у франциялик футболчини 2023 йилда "РБ Лейпциг"га олиб келган.
Журналист Флориан Плеттенбергнинг маълум қилишича, "Бавария" Люкебани сотиб олиш имкониятини жиддий кўриб чиқмоқда, аммо унинг товон пули 90 млн евро экани муаммо бўлиши мумкин. 2026 йилда у 80 миллионгача, 2027 йилда эса 65 миллионгача камаяди.
Марказий ҳимоячига "Ливерпуль", Мадриднинг "Реал" ва "Манчестер Юнайтед" клублари ҳам қизиқиш билдирмоқда. Transfermarkt экспертлари "буқалар" юлдузининг нархини 50 млн еврога баҳоламоқда.
